च्याटजीपीटीलाई टक्कर दिन ‘भारत जीपीटी’ आउँदै

bharatgpt

काठमाडौं । रिलायन्स जिओले इन्डियन इन्स्टिच्युट अफ टेक्नोलोजी (आईआईटी) बम्बईसँग सहकार्य गरेर आर्टिफिसियल इन्टेलिजेन्स टुल ‘भारत जीपीटी’ बनाउने भएको छ । बुधवार आईआईटी बम्बईमा आयोजित टेकफेस्ट कार्यक्रममा कम्पनीका अध्यक्ष आकाश अम्बानीले नयाँ एआई परियोजना ‘भारत जीपीटी’को घोषणा गरेका हुन् । 

दूरसञ्चार र प्रसारण क्षेत्रमा आफ्नो प्रभुत्व कायम गरेको रिलायन्स जिओले एआई क्षेत्रमा पनि आफूलाई स्थापित गर्न यो परियोजना अगाडि ल्याएकाे हाे । यसअन्तर्गत कम्पनीले आईआईटी बम्बईसँगको जोइन्ट भेन्चरमार्फत नयाँ एआई प्रोजेक्ट ‘भारत जीपीटी’ सुरु गर्नेछ । 

भारतको सबैभन्दा ठूलो दूरसञ्चार सेवाप्रदायक समेत रहेको जिओले २०२४ को पहिलो केही महिनाभित्र यो टुल सार्वजनिक गर्ने अपेक्षा गरिएको छ । “हामीले भारत जीपीटी कार्यक्रम सुरु गर्न आईआईटी बम्बईसँग एउटा परियोजनामा काम गरिरहेका छौं,” अम्बानीले भने, “हामी एआईलाई हाम्रो सङ्गठनभित्र मात्र नभई सबै क्षेत्रहरूमा सुरु गर्न कडा मेहनत गरिरहेका छौं ।”

Leave a Reply

Your email address will not be published. Required fields are marked *